Beach outing sa Bacuag, Surigao del Norte gi-ban una tungod sa mga bokya

BUTUAN CITY – Temporaryo unang gi-ban sa Bureau of Fisheries and Aquatic Resources kon BFAR-Surigao del Norte ang beach outing sa lungsod sa Bacuag tungod sa pagdagsa sa mga bluebottle jelly fishes.

 

Sigon ni Riel Rivamonte sa BFAR provincial office, ang maong klase sa bokya delikado kung makasaghid sa panit tungod sa grabeng kakatol niini.

 

Mudagsa matud pa kini nga klase sa bokya sa summer season rason nga gidili una sa lokal nga kagamhanan ngadto sa mga residente og mga dumuduong ang pagkaligo sa ilang baybayon.

 

Magpagawas lang matud pa sila og paglibkas niini higayong masegurong wala na’y presensya sa maong bokya sa ilang kadagatan. (Beth Ruiz)