BUTUAN CITY – Nakatakda na ang kasal nila Bea Alonzo ug negosyanteng si Vincent Co human migawas ang marriage banns kon anunsyo sa pagpakasal sa duruha, sa St. Peter the Apostle Parish sa Manila.
Tumong sa marriage banns nga masayod ang publiko sa pagpakasal aron kung duna’y mubabag, mahimo gilayon samtang wala pa ang seremonyas.
I-anunsyo kini sulod sa tulo ka sunod-sunod mga Dominggo samtang migawas usab ang tsika nga magpakasal ang duha sa Espanya kansa gipanghimakak sa kampo sa aktres.
Kung basehan ang marriage banns, posibleng matigayon ang kasal sa Abril ug kung tinuod nga duna’y kasal sa Spain, hayan adto na kini mahitabo sa Mayo.
Madumdumang nag-pictorial si Bea ning mi-aging tuig alang sa usa ka produktong gi-endorso niya sa Andalusia, Spain.
