BUTUAN CITY – All set na ang Panaad 2024 sa Butuan City Police Office kon BCPO alang sa Semana Santa ubos sa liderato ni City Police Director Marco Archinue. Sigon ni BCPO spokesperson Police Captain Anne Cubio, gipang-deploy na ang ilang mga ka-ubanan sa nagkada-iyang kasimbahanan ning siyudad sa Butuan alang sa nagkada-iyang relihiyusong kalihukan.
Apil sa gihatagan nila og igong siguridad ang mga malls, pantalan, bus ug jeepney terminals ug tugpanahan aron masiguro ang kaluwasan sa mga pasaherong musulod-gawas sa maong mga pasilidad. Lakip sa ilang gipangandaman og maayo ang himuong prusisyon alang sa 14 ka station of the cross kon via crucis Marso 29, Biernes Santo nga himuon sa bukid sa Sitio Iyao, Brgy. Anticala ning siyudad.
Wala matud pa’y angayang kabalak-an ang manguban tungod kay duna’y i-provide nga libreng sakay ang lokal nga kaagamhanan ning siyudad sa Butuan.via|Bombo Lilibeth Ruiz
