-- ADVERTISEMENT --
BUTUAN CITY – Gisugdan na sa Commission on Elections kon COMELEC uban sa tabang sa National Printing Office ang pag-imprinta sa mga official ballots alag sa usa ka lugar sa Caraga region.
Apil na niini ang pag-imprinta sa uban pang forms nga kinahanglanon alang sa himuong plebisito karong Agusto 10, Sabado alang sa pag-ratify sa gimugnang barangay sa lungsod sa Barobo, Surigao del Sur kondiin tawgon unya kining Barangay Guinhalinan, kung tugutan sa mga residente.
Alang sa COMELEC, usa kini sa ilang mga pagpangandam alang sa mas dakong eleksyon partikular ang umalabot nga 2025 midterm elections, kondiin gikan sa mga senador hangtud sa mga konsehal sa lungsod, botaran sa mga botante.
