BUTUAN CITY – Katunga lamang sa mga magtutdlo sa Bangsamoro Autonomous Region in Muslim Mindanao (BARMM) ang nagpadayag sa ilahang kabubut-ong mo serbisyo karong umalabot nga May 12, 2025 midterm national and local elections alayon na usab sa security concerns sa nasngit nga mga maestra sa mang rehiyon.
Kini ang giklaro ni Brig. Gen. Christopher Abrahano, ang kasamtangang hepe sa Police Regional Office-13 (PRO-13), diin sumala p aniini nga kini matud pa ang rason nganong nakadesisyon ang Caraga PNP nga mag augment og mga kapulisan sa nasangpit nga lugar alang sa umalabot nga eleksyon.
Kahinumduman nga gipadala na sa Police Regional Office kon PRO-13 ang 600 ka mga personahe niini sa sa Bangsamoro Autonomous Region in Muslim Mindanao kon BARMM. Kini subay na sa palisiya sa Philippine National Police nga mag-augment og mga personahe kadtong mga rehiyon nga malinawon matag-eleksyon ngadto sa mga rehiyon nga gubot matag- piniliay.
Sigon ni Brig. Gen. Abrahano sa pamahayag niini atul sa send-off ceremony kagahapong adlawa alang sa mga kapulisanng aipadala sa maong rehiyon nga dili lang ang mga kapuliasan sa BARMM ang ilahang matabangan sa maong lakang, kundili ang kahan-ay sa kinatibuk-ang eleksyon.
Sigon ni PRO-13 regional director PBGen Abrahano, mu-agument sila sa PRO-Bangsamoro Autonomous Region in Muslim Mindanao alang sa national and local elections ingon man sa BARMM parliamentary elections diin partikular silang mahimong mga membro sa Special Electoral Board sa managlahing lalawigan sa rehiyon sama sa Basilan, Lanao del Sur, Maguindanao del Norte, Maguindanao del Sur, Tawi-Tawi ug sa Special Geographic Area nga pangunahan unya ni PLCol. Michael Lozada.
Puno usab sa mga talambagon ang pamahayag niini atul sa maong serimonyas, diin gitandi pa niini ang iyahang kaugalinon sa ginikanan nga nagpadala sa pinalangga niining anak sa layong lugar alagn sa kompetisyon.
