BUTUAN CITY – Gianunsyo sa Food and Drugs Administration (FDA) ang barato nga tambal alang sa mga sakit nga cancer, diabetes ingon man mental health tungod sa pagtanggal na sa buhis sa mga niini. Sumala sa Republic Act No. 11534 sa section 12 nga naila usab nga Corporate Recovery and Tax Incentives for Enterprises kon CREATE Act, nga hatagan na og exemption sa Value Added Tax (VAT) ang mga pinili nga mga tambal sa nagkalain-laing mga sakit.
Sumala sa Implementing Guidelines sa Value-Added Tax kon VAT Exemption alang sa mga Health Products nga nakalatid sa joint administrative order sa ahensya nga maka ayo matud pa ang ipagawas sa FDA og opisyal nga advisory nga mao unyay ipasa sa Bureau of Internal Revenue (BIR), Bureau of Customs, ingon man sa Department of Trade and Industry arun ipa-implement.
Sayran nga gipagawas na sa DFA ang ang listahan sa mga tambal diin gilangkuban sa mga tambal sa Cancer nga Degarelix 80 mg, Tremelimumab 25 mg/1.25 mL (20 mg/mL), ingon man Tremelimumab 300 mg ug uban pa. Lakip usab niini ang tambal sa Diabetes nga Sitagliptin 25 mg, Sitagliptin ug uban pa.
