BUTUAN CITY – Miresulta sa pagkasikop sa barangay chairman, upat ka gamblers ug siyam ka wanted persons sa nagkalain-laing kremin ang usa ka adlaw nga police operation sa rehiyon sa Caraga niadtong Miyerkules, Marso 27, 2019.
Giila ni General Gilberto DC Cruz, Regional Director sa Police Regional Office kon PRO-13 ang upat ka na-arestong gamblers gikan sa Surigao del Sur nga sila Crisanto Medrano Pontevedra, 63-anyos, Leonardo Oriendo Acosta, 36-anyos, Delbert Yurtas Manzano, 54-anyos ug Angel Bislielan Balaque, 52-anyos.
Samtang sila Rico Munoz Oliveros ug Mark John Munoz Oliveros sa Mangagoy, Bislig City, Surigao del Sur ug Warren Tumarlas, 23-anyos gikan sa Brgy. Mahaba, Cabadbaran City, Agusan del Norte ang nasikop tungod sa arrest warrant sa kasong murder nga gi-isyu sa local court diin walay piyansang girekomenda. Nadakpan usab sa kapulisan sila Mamerto S Antipasado, 54-anyos tungod sa kasong direct assault, Edwin Bastargo Castro, 55-anyos nga nag-atubang og kasong estafa, Christina, 57-anyos sa Malversation of Public Funds, Rolito Marabi Abadingo, 46-anyos sa paglapas sa Revised Forestry Code of the Philippines, ug Algen Toyco Labrador og Jet Lee Toyco Labrador tungod sa paglapas sa RA 7610.
Sa laing bahin, ang Prosperidad Municipal Police Station kauban ang Criminal Investigation and Detection Group kon CIDG-13 Provincial Field Unit sa Agusan del Sur ug Surigao del Sur og 1301st Regional Mobile Force Battalion, naka-aresto sa magsoon nga sila Cosme Ortiz Antallan, 43-anyos og Ricky Ortiz Antallan, 41-anyos Brgy. Chairman sa Brgy. Azpetia atoll sa implementasyon sa duha ka search warrants tungod sa illegal possession of firearms ug violation of Revised Forestry Code of the Philippines sa Purok 4, Brgy. Azpetia, Prosperidad, Agusan del Sur.
Narekober sa ilang possession ang caliber 45 pistola, 12GA Shotgun, 14 ka mga bala sa caliber 45; duha ka magazines sa kalibre 45, kalibre .40 nga pistol, tulo ka magazines sa kalibre .40 ug 44 ka mga bala sa caliber .40, unom ka Balit and Hindang nga mga kahoy nga gibana-banang 81.33 ka bd.ft. nga dunay market value nga 2-mil 439 pesos ug 90 sentabos, gabas og pump belt.
Ang na-Arestong mga indibidwal og mga nakumpiskang armas, gikustudiya na sa misikop nga police stations samtang ang nakumpiskang forest products anaa na sa kustudiya sa DENR Prosperidad sa Agusan Del Sur.
