BUTUAN CITY – Nahukmang mapriso sulod sa 20 ka tuig ang bana sa rape survivor sa France nga si Gisèle Pelicot tungod sa paglugos kaniya og nag-imbitar pa og dili kaela nga mga lalaki aron usab moabuso sa biktima sulod sa halos usa ka dekada.
Si Dominique Pelicot, 72-anyos, nahukmang guilty sa tanang mga kaso pinaagi sa judge sa Avignon, southern France, diin mihilak pa kini sa korte sa dihang gisentensiyahan sa maximum term.
Kauban nga gitaral niini ang laing 50 ka mga lalaki nga parehong guilty sa usa ka kaso.
Ang maong disesyon nagtuldok sa pinakadakong rape trial sa France diin sa tulo ka semana nga pagtaral nagpakugang sa nasud og sa tibook kalibutan.
Atol sa pagbasa sa disesyon, Mihimo pa ang kapulisan sa pagsirado sa kalsada dool sa korte aron ma-akomodar ang gatusang mga tawo nga misuporta sa biktimang si Gisèle Pelicot.
Sa nahimong pamahayag ni Pelicot, wala matud pa siya nagmahay nga gipakita sa publiko ang pagtaral sa iyang kaso aron sa ingon makita matud pa sa tanan kung unsay nahitabo kaniya
