BUTUAN CITY – Mukabat sa ₱69 milyon nga kantidad sa marijuana ang gisunog sa Philippine National Police (PNP) human ang duha ka sunod-sunod nga semana nga operasyon sa Benguet nga gihimo gikan niadtong Marso 16 hangtud 22, ning tuiga.
Ang 24 nila ka mga operasyon, miresulta sa pagkakumpiska sa 72,900 ka labo na nga tanom nga marijuana ug 420 ka binhi apil na sa 454 kilo nga uga nga dahon, tangkay, ug fruiting tops.
Sumala ni PNP Chief Gen. Jose Melencio Nartatez Jr., padayon ang kampanya batok sa droga ug naka-pokus sila sa mga nag-unang tinubdan sa mga iligal nga tambal ug sa dagkong personalidad nga nagpaluyo niini.
Gipasalig niya nga dili mohunong ang kapulisan sa pagdamyos sa mga tanom nga marijuana aron putlon ang suplay sa iligal nga droga ug protektahan ang komunidad.
