BUTUAN CITY – Gipang-vandalan sa katawhan sa Amerika ang pinuy-anan sa mga Republican senators ug ilang abogado nga mibotar aron dili makonbikto sa gi-atubang nga impeachment case si kanhi US President Donald Trump.
Sa eksklusibong pakighinabi sa Bombo Radyo Butuan, gibutyag ni Ferdinand Nakila, lumad nga taga-Cabadbaran City ug 15 ka tuig nang nagtudlo sa California, USA nga pagpakita kini sa katawhan sa ilang kadismaya nga taliwa sa kaklaro na sa mga ebidensya sa kadaut nga nahatud ni Trump sa pag-awhag niya sa iyang mga supporters, nagpakabuta-bungol gihapon niini ang iyang mga ka-alyadong senador.
Sigon ni Nakila, expected nang daan ang pagbotar sa mga Republican senators nga dili ikonbikto ang kanhi presidente tungod sa ilang kahadlok sa ilang mga constituents nga posibleng dili na unya mabotaran sa sunod nga eleksyon.
Bisan matud pa og pito sa mga Republican senators ang mibali og suporta aron lang makonbikto si Trump, apan dili pa igo ang maong ihap nga nadugang sa 50 ka mga Democrat senators tungod kay gikinahanglan man ang 2/3 sa 100 ka mga senador kon bugti sa 67, aron makonbvikto si Trump.
Bisan matud pa og wala nakonbikto si Trump sa gi-atubang nga kasong incitement of insurrection apan temporaryong kalipay lang ang gibati sa iyang kampo tungod sa kadaghan pa sa mga kasong iyang gi-atubang.
