BUTUAN CITY – Ang mga rebeldeng New People’s Army kon NPA maoy gitudlo sa kapulisan sa Surigao City nga mipusil-patay sa bag-uhay lang nakasulod nga Citizen Armed Force Geographical Unit kon CAFGU member pasado alas-10:30 kagabii.
Sa eksklusibong interview sa Bombo Radyo Butuan, gipadayag ni Surigao City Police Station Commander PLCol. Diomedes Cuadra Jr., nga ang biktimang si Ronald Borja Contemplo, 21-anyos, residente sa Purok 1, Brgy. Anomar sakop sa maong siyudad, gikan matud pa sa usa ka beach party.
Pa-uli na unta kini dihang gibabagab sa tulo ka kalalakin-an gamit ang short firearms nga miresulta sa iyang hinanaling kamatayon.
Base sa ilang inisyal nga imbestigasyon, ang rebeldeng NPA matud pa ang responsable sa maong sa rasong dili matud pa nila gustong duna’y residente sa maong komunidad nga magseserbisyo sa gobyerno sama sa sundalo og CAFGU.
