BUTUAN CITY – Gigamit na sa Philippine Army (PA) sa ilang Salaknib Exercise 2026 ang mga bag-ong kagamitang panggiyera lakip na ang Ascod tanks, self‑propelled 155-mm artillery, ATMOS kon Autonomous Truck Mounted Howitzer System ug uban pang kagamitan ga napalit ilalom sa Armed Forces of the Philippines kon AFP Modernization Program.
Nasayrang nasulayan na usab ang maong mga bag-ong Armored Escort Vehicles (AEV) sa maong simulation.
Sigon ni PA Spokesperson Col. Louie Dema‑Ala, ihan-nay ang mga bag-ong kagamitan sa pwedeng i-apil sa mga dala usab sa US Army Pacific, Japan Ground Self‑Defense Force, Australian Army, ug New Zealand Army, nga parehong duna’y gipadalang contingent sa Northern Luzon, ang nag-unang venue sa military drill.
Dili pa sigurado kung gamiton sa maong drill ang Typhon Missile System sa US, nga gikwestyon na kaniadto sa ubang mga nasud sama China tungod kay hulga matud pa kini sa regional security sa Asia‑Pacific.
Gipasabot ni Col. Dema‑Ala, nga bugtong ang liderato lang sa AFP ug US Armed Forces ang duna’y kagahom nga magdesisyon kung i-apil kini sa simulation.
Ang Salaknib 2026 maoy duna’y pinakadakong ihap sa mga partisipante sukad gisugdan ang maong pagbansay, kansa aduna’y 7,000 ka mga sundalo gikan sa lima ka mga nasud ilabina ang Pilipinas.
Tungod sa kalapad sa mobilisasyon, gi-abisuhan na usab sa Philippine Army ang mga residente sa Northern ug Central Luzon kalabot sa presensiya sa mga military trucks, aircrafts, ug mga sundalo nga gikan sa Estados Unidos, Japan, ug uban ang apil sa drill.
