BUTUAN CITY- Gi-anunsyo si United States President Donald Trump nga ipatuman niini ang global tariffs nga 15% human sa desisyon sa Supreme Court kansa nagbasura sa iyang miaging import taxes.
Una na usab niining gibutyag nga 10% levy ang ipuli, apan pagkasunod nga adlaw gipahibalo niini sa Truth Social nga ipataas kini sa maximum nga gidugot sa Section 122 sa 1974 Trade Act, kansa temporaryo lamang ug molungtad og lima ka bulan samtang naghulat og congressional approval.
Ang desisyon nagdangat og kabalaka sa mga nasud sama sa UK ug Australia nga nakigsabot og 10% tariff deal sa US. Ang korte sa 6-3 ruling nakakaplag nga si Trump misobra sa gahum sa dihang iyang gipangayo ang sweeping global tariffs gamit ang International Emergency Economic Powers Act kon IEEPA, nga nakapamugos og kolekta sa $130 bilyon nga buhis.
Human sa desisyon, gitawag ni Trump ang mga justices nga “fools” ug nagpahayag nga “ashamed” kini sa pipila ka miyembro sa korte nga misalikway sa iyang trade policy, samtang ang mga negosyante ug international partners nagpahimangno nga makadaot kini sa global trade ug ekonomiya.
