BUTUAN CITY – Ang White Jewel nga mga strawberry sa Japan nakahatag og dako nga impresyon dihang una silang gipakita halos usa ka dekada na ang milabay, sama usab sa Bijin-Hime o “Beautiful Princess,” nga usa ka gipaningkamotan sa Japan sa paghimo sa perpektong strawberry.
Apan karon, ang China na usab ang naghatag og kasaba sa merkado sa strawberry pinaagi sa usa ka itom nga klase nga gitawag og “Black Pearl.”
Gitawag kini og Hermes sa mga strawberry tungod sa ilang taas nga presyo niini kumpara sa kasagarang mga klase sa strawberry. Gitawag kini og “Hermes sa strawberry” tungod kay mahal kaayo—mga $45 kada libra o hangtod $6 kada ang kada-buok.
Ang kamahal niini tungod kay lisod kaayo itanom ug gamay ra og ani mao nga daghang mag-uuma ang nagduha-duha kung sulit ba kini.
Sumala sa usa ka propesor, ang itom nga kolor niini gikan sa anthocyanin—usa ka natural nga kemikal nga makita usab sa ubang prutas sama sa blueberries.
Bisan og uso ra kini karon ug gipasikat sa social media, lami daw kaayo ang Black Pearl. Kung masulbad ang problema sa pagtanom, posible nga mahimong popular kini dili lang sa China kundi sa ubang lugar usab.
