BUTUAN CITY – Nagsugod na ang away ni Alex Eala kontra Magda Linette sa Miami Open 2026 Round of 32 (women’s singles) nga gipahigayon sa Grandstand, Hard Rock Stadium, Miami, sa Estados Unidos.
Si Eala ranked no 29 samtang si Linette, ranked No 50 usab sa Women’s Tennis Association kon WTA ranking.
Madumdumang nakadaog si Eala sa iyang katapusang dula batuk kang Laura Siegemund (Germany) sa score nga 6-7(6), 6-3, 6-3 kansa mao ang iyang unang daug sa torneo ug nagpadayon siya sa iyang target nga makasulod sa Top 20 sa WTA rankings.
Samtang si Linette usab, naghimo og dako nga upset sa second round human gipildi si Iga Swiatek (world #3) sa score nga 1-6, 7-5, 6-3 kansa nagpakita nga peligroso siya nga kalaban.
Alang kang Eala, ang iyang kadaugan makapabalik kaniya sa Last 16 sa Miami Open, sama sa iyang performance sa 2025.
Samtang alang kang Linette, makapadayon usab sa iyang momentum human sa upset batuk kang Swiatek. IImportante kaayo kini nga dula alang sa ranking points ni Eala ug para sa momentum ni Linette.
