BUTUAN CITY – Napamatud-ang guilty sa grabeng pagpasagad ang usa ka Austrian mountaineer human mamatay sa katugnaw ang iyang uyab sa pinakataas nga bukid sa Austria ning mi-aging tuig.
Ang lalaki nga gi-ila lang sa alyas nga Thomas P isip pagsunod sa Austrian privacy laws, gipahamtangan og lima ka buwan nga suspended sentence ug gipamulta og 9,600-euroes kon kapin sa 600-mil dolyares.
Nasayrang ang iyang hinigugma nga si alyas Kerstin G, namatay sa hypothermia atol sa ilang climbing trip sa Grossglockner mountain niadtong Enero ning mi-aging tuig 2025.
Gikonsidera sa korte ang limpyo nga record ni Thomas P ug ang pagkawala sa tawong suod kaniya isip mitigating factors. Sigon ni judge Norbert Hofer, kinsa usa usab ka experienced climber nga nagtrabaho sa kabukiran ug sa mga helicopter rescue teams sa Tyrol, usa ka maayong climber si Thomas P kumapra sa iyang hinigugna mga wala pa kaayo’y climbing abilities.
Sigon usab ni Andrea B, kanhi hinigugma ni Thomas P, gibiyaan usab siya niini sa ilang climbing tour sa Grossglockner niadtong 2023 kondiin napagngan pa siya sa iyang flashlight apan nakit-an ra hinungdan nga buhi pa.
