BUTUAN CITY – Nagdumili ang gobyerno sa Australia nga mahimong host country alang kang kanhi Pangulo Rodrigo Duterte alang sa iyang temporaryong paggawas.
Kini human unang gibutyag ni Vice President Sara Duterte sa iyang pag-atubang sa mga tigbalita sa Melbourne, nga apil sa listahan sa mga nasud nga gitan-aw sa iyang amahan ang Australia isip posibleng host country alang sa iyang temporaryong kagawasan.
Misaad matud pa ang Melbourne nga motabang o modawat sa kanhi pangulo, apan wala pa kini naghatag og dugang nga mga detalye.
Nasayod usab ang gobyerno sa Australia sa petisyon sa kanhi pangulo alang sa interim release gikan sa detention center sa International Criminal Court kon ICC sa The Hague, Netherlands apan wala matod pa, mi-uyon niini ang Australia ug wala kini gi-apil sa ilang mga konsiderasyon.
Gitan-aw sa Australia ang aplikasyon sa kanhi pangulo para sa provisional release isip usa ka isyu nga angay husayon sa ICC ubos sa Rome Statute — ang founding treaty sa korte diin miembro usab ang Australia.
