BUTUAN CITY – Pangunahan nila Asian Cycling Confederation (ACC) president Dato’ Amarjit Singh Gill ug Philippine Sports Commission (PSC) chairman Patrick Gregorio ang listahan sa mga sports officials para sa opening ceremony sa 45th Asian Cycling Confederation (ACC) Track Cycling Championships ug 14th Asian Para Track Cycling Championships ugmang adlawa sa Tagaytay CT Velodrome.
Ubanan ni Philippine Olympic Committee president Abaham Tolentino sila Gill at Gregorio sa pag-abli sa event nga pinaka-unang dumalahon sa nasud sukad niadtong 1995 edition sa annual event sa brand-new Tagaytay CT Velodrome, usa ka UCI-standard 250-meter indoor track facility.
Gawas sa Pilipinas, ang uban pang apil niini ang Chinese-Taipei, Hong Kong-China, Indonesia, India, Japan, Kazakhstan, Macau-China, Malaysia, China, South Korea, Saudi Arabia, Singapore, Thailand, United Arab Emirates ug Uzbekistan.
Nakatakda ang opening ceremony sa alas-9 sa buntag diin buhian sa alas 10 sa buntag ang 600 ka siklista gikan sa 16 Asian countries nga apil sa track ug para track.
Suportado ni Mayor Brent Tolentino sa host Tagaytay City ang event.
Katibuk-ang 44 ka gold medals ang makuha sa Asian championships samtang 30 golds ang ilogan sa para track competitions nga dungang himoon hangtud sa Marso 31.
Ang mga dula sa ACC championships mao ang individual ug team pursuit, sprint, keirin, elimination race, omnium, points race, scratch race, Madison ug 1-kilometer para sa men ug women categories.
Ang mga events para track cycling competitions mao ang individual pursuit, 1,000 meters time trial, sprint, elimination, scratch race ug mixed team ug tandem sprints.
