BUTUAN CITY – Target sa Pilipinas nga paspasan ang panagsabot alang sa paghan-ay sa Code of Conduct alang sa West Philippine Sea aron mahuman na kini karong tuiga.
Sa usa ka event nga gipahigayon sa Singapore, gibutyag ni Foreign Affairs Sec Teresa Lazaro nga kanunay nang magtagbo ang mga nasud nga sakop sa Association of Southeast Asian Nations kon ASEAN ug China alang sa maong tinguha.
Sa kasamtangan, ka-usa lang matag-tulo ka buwan himuon ang working group meetings apan karon, kada-buwan na kin ing himuon.
Sa kasamtangan, uapt ka mga nasud nga sakop sa regional bloc ang duna’y partial claim sa gi-ilugang parte sa kadagatan nga gilangkuban sa Brunei Darussalam, Malaysia, Vietnam ug Pilipinas.
Bisan og dugay nang gitinguha ang Code of Conduct, wala pa gihapon kini matap[os tungod sa dili ma-uyunan nga scope enforcement ingon man sa legal status sa mga gipagawas nga direktiba.
Dugang pa sa kalihim, target sa grupo nga magmugna og hapsay nga patakaran nga magsubay sa international law ug gila-umang matapos kini karong tuiga uban sa gipangsubmiteng proposals .
Nasayrang sugod sa Enero ning tuiga, nagsilbi nang chair ang Pilipinas sa 11 ka mga nasud nga sakop sa nasangpit nga regional bloc.
