Tungod sa walay puas nga pag-ulan hatod sa habagat og sa Bagyong Crising nga mihaguros sa kaoluhan, daghang mga pamilya ang gidala sa nagkada-iyang evacuation center.
Sa datus sa National Disaster Risk Reduction and Management Council kon NDRRMC, mo-abot ngadto sa kapin 37-mil ka pamilya ang epektado sa mga pag-ulan og pagbaha, nga nagpasilong sa 115 ka nga evacuation centers.
Wala man tuod gibutyag sa NDRRMC, apan sigurado nga ang gidalhan kanila mao ang mga eskwelahan og covered courts sa mga barangay nga mao usab gayud ang kanunay nga dalhan kanila kung dunay ingon niini nga panghitabo.
Kung atong madumduman, gimando ni Presidente Marcos ngadto sa Department of Public Works and Highways kon DPWH nga maghimo og desente nga mga evacuation Center, human niya gi-pirmahan ang Ligtas Pinoy Centers Act ni-adtong Desyembre 2024.
Sigon sa Presidente nga siguroon sa DPWH nga matapos ang paghimo niini sa tukmang panahon og angay nakasubay sa National Building Code.
Apan 9 kabulan ang milabay, ni usa ka evacuation Center wala may napabarog.
Atong lauman nga daghan pang mga bagyo ang mosulod sa atong nasud sa ikaduhang kwarter karong tuiga og sigurado nga duna na usay mga pagbaha.
Unsa may ika-sulti sa DPWH niini?
May mala-uman pa ba nga mga evacuation centers, o magsilbi nalang kiing kabahin sa mga saad nga walay katumanan?
Angay paningkamotan sa DPWH nga mapabarog ang mga niini og dili magsalig nalang kanunay sa mga eskwelahan gumikan kay maapektohan kanunay ang pagtungha sa mga kabataan.
Gawas pa sa problema nga ginadaot sa mga bakwit ang gamit sa mga tulunghaan, sama sa blackboard, dingding, mga gamit sulkod sa matag-lawak ug uban pa. Mao nga dili na angay langay-langayon ang pagtukod sa mga evacuation center, sugdan na sa labing dali nga panahon.
