BUTUAN CITY – Gipaniguro sa Armed Forces of the Philippines (AFP) nga andam matud pa ang Pilipinas nga atubangon ang mga naninguhang sakupon ang teritoryo sa nasod.
Kini ang gikataho ni AFP Chief of Staff General Romeo Brawner human sa nagpadayon nga hagit kansa gikaatubang karon sa Pilipinas ilabi na tali sa China particular na sa isyu sa West Philippine Sea.
Sumala ni Brawner nga tungod sa modernisasyon sa Armed Forces of the Philippines (AFP), layo na ang abtan sa Pilipinas sa hisgutanang depensa.
Dugang niini nga mas lpad na karon ang kakapas sa nasod sa hisgutanang depensa tungod sa mga bag-ong kahimanan, kansa bag-ohay lang giaprubahan ni Presidente Ferdinand Marcos jr.
Dugang niini nga dako matud pa nga pondo ang gigahin sa pangamhanan alang sa ikatulong hugna sa modernisasyon sa AFP ilabi na alang sa horizon 3 para sa comprehensive archipelagic defense concept.
Ilalum matud pa sa maong konsepto, i-develop ang mga barko ug mga aircraft sa nasod.
Gipanghinambug usab niini ang mga bag-ong radar defense system, surveillance system, ug missile system sa nasod nga dunay kakapas nga makapa unlod og mga barko sa kalaban.
Lakip sa gilatid sa maong opisyal ang kakapas sa mga sundalong Pinoy sa cyber warfare, kansa ilahang gitun-an aron usab sila mamahimong cyber warriors.
