BUTUAN CITY – Subling nihimo og kasaysayan ang rehiyon sa Caraga, human niini nakab-ot ang top 8 sa bag-ohay lang gitak-opan nga Palarong Pambansa 2025 nga gipahigayon sa Laoag, Ilocos Norte.
Sayrang kini na ang pinakataas nga nakab-oy sa rehiyon sukad sa pag-apil niini sa nasangpit nga kompetisyon. Sayrang nahakot sa mga atletang Caraganons ang 21 ka mga bulawang medalya, base sa Official Medal Tally.
Ning tuiga, nalakip ang lima ka mga atleta sa rehiyon sa han-ay sa mga most bemedalled athletes human nakuha nila ni Arielle Ashley Lape ingon man Queen Fairy Rose Rante ang upat ka mga bulawang medalya para sa dulang arnis, samtang nasakmit usab nila ni Celia Mer Najaro, Ysai Winsleth Lojero, ingon man Charlyn Diaz ang tag-duha ka mga bulawang medalya alang gihapon sa maong dula.
Mas napakita pa sa rehiyon ang determinasyon ug kusog pinaagi sa maong kadaugan, human lamang niini nakakot ang 11 ka bulawan niadtung nakalabayng tuig alang sa ika 12 nga pwesto, ingon man upat ka bulawan usab niadtung 2023 para sa ika-15 nga pwesto.
Ning tuiga, nasakmit usab sa Caraga Region ang mga special awards sama sa 1st Place sa Digital Engagement, 1st Place para sa Best Billeting School, 2nd Place alang Most Eco-Friendly Delegation, ug 3rd Place usab para sa Most Organized Delegation.
