BUTUAN CITY – Nakatutok karon sa anti-rabies vaccination program ang Butuan City Agriculture and Veterinary Department subay sa pag-obserba ning bulan sa Marso sa Rabies Awareness Month.
Sa eksklusibong pakighinabi sa Bombo Radyo Butuan, gipasabot ni Dr. Emmir Nono nga gipili sa gobyerno kaniadto ang buwan sa Marso tungod kay kadaghanan sa mga kaso natala ning bulana tungod usab kay kini ang tingbakasyon sa klase sa kabataan kondiin anaa sa gawas sa balay ang mga bata rason nga prone sila sa pagpa-ak sa iro ug iring.
Sigon ni Dr. Nono, kagahapong adlawa atua ang ilang vaccination team sa Brgy. Holy Redeemer aron pagpamakuna sa mga binuhing iro ug iring sa mga residente sa maong barangay ug kasikbit pa nga mga barangay.
Krong adlawa, mamakuna sila sa mga binuhing kahayupan sa Brgy. Libertad ilabina na sa may Nonan Villlage sa Jail Road.
Panawagan usab ni Dr. Nono nga dili angayang kumpyansahan ang mga pina-akan sa hayop bisan og sila bakunado aron malikayan ang pag-develop sa rabis diha sa tawo kansa dili na matud pa matambalan.
