BUTUAN CITY – Klarong nasaksihan dinhi sa dakbayan sa Butuan ang annular solar eclipse – diin gitabunan sa buwan ang sentrong bahin sa adlaw hinungdan nga makita ang outer edges sa adlaw tungod kay muporma man kini og “ring of fire” kon annulus palibot sa buwan.
Sa eksklusibong pakighinabi sa Bombo Radyo Butuan, gipadayag ni Gel Galitcha sa PAGASA-Hinatuan, Surigao del Sur nga dinhi sa Agusan del Norte apil na sa Butuan City, 80 ngadto sa 85-porsiento lang nga pagtabon sa buwan ngadto sa adlaw.
Kini tungod kay nakita matud pa full concentration sa eclipse sa Balut Island sa Sarangani Province ug sa Davao Occidental.
Gibutyag sa opisyal nga subling masaksihan ang full eclipse sa tuig 2063 pa hinungdan nga makonsiderang importante kini nga alang sa tanang mga tawo karon tungod kay kita ang buhing saksi sa maong panghitabo.
Nasayrang sa Hunyo 21 sunod tuig 2020 duna na usa’y mahitabong eclipse apan kini partial pa lang.
