BUTUAN CITY – Mi-apela sa mga netizens ang anak sa ikaduhang COVID-19 positive dinhi sa Caraga Region nga undangan na ang ilang pamilya gikan sa ilang pagpang-bash tungod kay wala nila gituyo ang maong panghitabo.
![](https://img.bomboradyo.com/butuan/2020/04/LOKAL-LLACUNA4-1.jpg)
Gipadayag sa anak sa COVID-19 patient nga gitago lang sa pangalang ‘Bobby’ nga nagdesisyon na siyang magpa-interview aron masayran sa tanan ang nahitabo ilabina nga mas nauna pang nasayod ang mga tsismoso ug tsismosa sa resulta sa lab test kaysa kanila.
Gi-angkon niini sa eksklusibong interview sa Bombo Radyo Butuan nga usa siya sa mga mi-apil sa international derby sa Davao City ka-uban ang uban pang sabungero apan ilang natapos ang 36-diyas nga quarantine period kondiin apil ang iyang amahan sa gikuhaan og swab sample.
Sukad matud pa sa ilang pag-uli hangtud sa natapos nila ang quarantine period, wala silang gipakitang simtomas sa makamamatay nga sakit nga ilang gikalipay ilabina nga pareho silang negatibo sa lab test.
![](https://img.bomboradyo.com/butuan/2020/04/LOKAL-LLACUNA3-1.jpg)
Nagsugod matud pa ang ubo sa iyang amahan dihang na-ulanan kini hangtud nga nagka-diarrhea na rason nga gidala na nila sa ospital diin nagnegatibo kini sa unang test ug nag-positive na sa ikaduha.
Sa pagkakaron, padayon ang pag-recover sa iyang amahan sa Caraga Regional Hospital samtang padayon uab ang iyang pag-monitor sa mga naka-uban niyang sabungero nga hangtud karon, wala’y nakitang simtomas sa maong sakit.