BUTUAN CITY – Padayon pa ang imbestigasyon sa kapulisan sa Lingig, Surigao del Sur aron ma-ilhan ug masikop ang responsable sa pagpamusil ning mi-aging alas-dos sa hapon sa Sitio Pimentel, Purok 5, Napanpan Road sakop sa Brgy Raja Cabugsoan, nga mikalas sa kinabuhi sa usa ka anak samtang kritikal usab ang iyang amahan.
Naila ang napatay nga si Edgar Tomboy Artiza, adunay live-in partner, mag-uuma, samtang gidala usab sa pulos residente sa maong lugar.
Sa inisyal nga imbestigasyon sa kapulisan, nakadungog na lang matud pa og mga buto sa armas ang asawa ni Edgar nga si Floriza Resado Pislan, dihang nagkuha og tubig ug sa iyang pagsusi, nagbuy-od na sa gawas sa balay ang iyang bana ug iyiang ugangan rason nga gidala sila sa Bunawan District Hospital apan gideklarang dead-on-arrival si Edgar ug padayon pang gi-obserbahan ang iyang amahan.
Narekober ang usa ka bala ug usa ka Red Cross identification card nga adunay pangalan nga Daniel C. Anggot kansa usa karon sa gitutukan sa kapulisan aron masuta kung nganong naka-abot sa dapit nga nahitabuan ang iyang ID
