BUTUAN CITY – Gi-anunsyo sa kagamhanan sa Estados Unidos nga nakig-alayon kini sa Ecuador aron batukan ang mga teroristang anaa sa maong nasud sa South America kansa kabahin sa mas gipalapdang paggukod sa Trump administration batuk sa mga criminal networks ug mga drug cartels sa Latin America.
Base sa post sa US Southern Command, ang military unit nga maoy nakatutok sa mga operasyon sa Central ug South America, nagsugod na ang hini-usang paglihok sa Ecuadorian ug US military forces batuk sa Designated Terrorist Organizationssa maong nasud.
Gi-ubanan pa kini pagpakita og video footage sa mga military helicopters nga mitugpa ingon man sa mga black-and-white aerial surveillance imagery sa mga tawong sakay sa mga helicopters samtang anaa pa sa ground.
Gidayeg usab ni White House Press Secretary Karoline Leavitt ang maong joint operation sa pagkompronta sa mga narco-terrorists nga dugay nang nagsabwag og terorismo, kagubot ug kurapsyon sa mga nasud nga ilang ma-abot.
