BUTUAN CITY – Gipa-ilalom na sa post-mortem examination ang patay’ng lawas sa 34-anyos nga si alyas Maria kinsa nakit-an nga halos mabuwag na sa lawas ang iyang ulo, sa kalasangan nga sakop sa Sitio El Kuda, Brgy. Puti, Norala, South Cotabato.
Sigon ni PMaj Joseph Paulo Villanueva, hepe sa Norala Municipal Police Station, sa eksklusibong interbyu sa Bombo Radyo Koronadal, pinaagi sa post-mortem examination, masuta kung unsay hinungdan sa kamatayon sa maong babaye kinsa manganakay na unta, human unang gikataho nga nag-unay matud pa kini pagkutlo sa iyang kinabuhi.
Migawas sa inisyal nga imbestigasyon sa kapulisan nga niadtong Biernes, Marso 3, nananghid matud pa ang biktima nga mangahoy sa lasang apan migabii na lang, wala pa kini naka-uli sa ilang pinuy-anan.
Dinhi na gipanubayan pagka-Sabado ang iyang gipangahuyang lugar diin didto na kini nakit-ang wala na’y kinabuhi.
