BUTUAN CITY – Trending karon ang hangyo sa usa ka 61-anyos nga amahan nga matunulan sila og bisan gamay lang nga tabang sa iyang 41-anyos nga partner human nahimugso ang ilang triplets nga anak didto sa Bgy. Bega, San Carlos City, lalwigan sa Palawan.
Alang sa mag-live in-partner, dakong grasya kanil ang ilang triplets nga sila Althea, Altheo, ug Athena nga nadugang 13 nila ka mga anak sa una nilang mga pares.
Nasayrang parehong balo ang duha kinsa nakurat na lang dihang nasuta sa ultrasound niadtong lima ka buwan na ang pagmabdos ni Cecilia nga tulo ang mamahimo nilang liwat.
Taliwala sa ilang kalipay, aminado ang mga ginikanan nga naglisod sila sa galastuhan sa gatas ug panginahanglan sa mga bata nunot sa gamay nga kita sa paghimo nila og basket nga ilang ibaligya.
Tinguha nilang Romulo ug Cecilia nga modaku nga himsog, buotan ug mahadlukon sa Ginoo ang ilang mga anak rason nga nanawagan sila sa mga duna’y malumo nga kasing-kasing nga tunulan sila og gunagmay nga hinabang.
