BUTUAN CITY – Maka-agbat pag-usab ni Pinay tennis star Alex Eala ang Croatian nga si Donna Vekic sa Kooyong Classic nga himuon sa Melbourne, Australia.
Una nang naparot ni Eala si Vekic sa ASB Classic nga gipahigayon sa Auckland, New Zealand human sa makasaysayanong comeback win nga nagtapos sa iskor nga 4-6, 6-4, 6-4.
Ang Kooyong Classic usa ka prestihiyosong invitational tournament nga gisalmutan sa mga pinili nga top players isip preparasyon sa Australian Open sama nila kanhi world no. 5 Daniela Hantuchova, Australian bet Priscilla Hon, ug mga bigating men’s players sama nila Alexander Zverev, Alexander Bublik, ug Nick Kyrgios.
Alang kang Eala, dakong oportunidad kini aron mas lig-on pa ang iyang duwa sa dili pa siya magsugod sa iyang unang main draw sa Australian Open.
Ang rematch kang Vekic gilauman nga mahimong init kansa magpamatood sa paspas nga pag-angat ni Eala sa international tennis scene, kondiin nakadawat na siya og suporta gikan sa Australian fans.
