BUTUAN CITY – Mi-ubos ngadto sa ika-49 nga pwesto si Filipina tennis star Alex Eala sa Women’s Tennis Association kon WTA live rankings human nga na-expire ang 390 puntos nga iyang nakuha sa semi finals sa Miami Open ning mi-aging tuig.
Gikan sa iyang kanhi 1,525 puntos, mi-abot na lang kini sa 1,145, hinungdan sa iyang pag-ubos gikan sa career-best nga ika-29 nga ranggo nga nakab-ot niya sa wala pa ma-expire ang maong puntos.
Isip ika-31 seed karong tuiga, nakadawat si Eala og first-round bye ug otomatikong nakasulod sa round of 64, diin nadugangan siya og 10 puntos.
Apan, dili gihapon kini igo aron mapuno ang dakong pagkawala gikan sa mi-aging torneo.
Sa sistema sa WTA, ang mga puntos otomatikong makuha human sa 52 ka semana ug pulihan sa pinakabag-ong resulta sa usa ka magdudula, busa kritikal alang kang Eala nga makabawi sa kasamtangang Miami Open aron makakuha og taas nga puntos.
Ang pagkanaog sa ranggo ni Eala dili tungod sa kapildihan apan tungod sa expiration sa puntos, busa gila-uman nga mahimong importante ang iyang performance sa Miami Open karong tuiga aron mabalik siya sa Top 30 sa WTA rankings.
