Alex Eala ug Coco Gauff, posibleng mag-agbat sa third round sa Indian Wells sa California

BUTUAN CITY – Dako ang posibilidad nga subling mag-agbat sila Alex Eala ug Coco Gauff sa third round sa BNP Paribas Open nga himoon sa Indian Wells, California.

Kini base sa gipagawas nga draw sa mga organi­zers para sa WTA 1000-tier event.

Sigurado na ang tiket sa second round ni Eala tungod sa gihawiran niining bye.

Makalaban sa 20-anyos nga Pinay netter sa second round ang modaug tali nila Zhang Shuai sa China ug Dayana Yastremska sa Ukraine sa first round.

Kung modaug sa second round, posibleng makalaban ni Eala si Gauff nga tapad lang niini sa draw.

Nag-atang usab sa se­cond round si Gauff nga nahatagan usab og bye tungod sa iyang fourth seeding sa torneo.

Atubangon ni Gauff sa second round ang modaug nila wild card B­ianca Andreescu ug usa ka qualifier.

Mahinumdumang nag-agbat sila Eala ug Gauff sa quarterfinals sa Dubai Tennis Championships niadtong nakalabay nga buwan sa United Arab Emirates.

Bisan paman niini, sentro una ang atensiyon ni Eala sa makalaban  niini sa second round.

Posibleng sa center court ibutang ang matag dula ni Eala tungod sa gilaumang dagsaon kini sa mga Pinoy fans nga misuporta kaniya.