BUTUAN CITY – Sulod na sa round of 16 sa Miami Open 2026 si Pinay tennis sensation Alex Eala human niya giparot si Polish tennis star Magda Linette sa ilang tie-breaker match nga gipahigayon sa Grandstand, Hard Rock Stadium, Miami, sa Estados Unidos.
Sa unang set, midaug si ranked 29 Alex Eala batuk kang Magda Linette 6-3 samtang nahimong kulba-hinam ang ikaduhang set tungod sa puli-puli nila pagpanguna sa score hangtud nga mi-abot sa tie breaker nga score 6-6 kondiin mi-arangkada si Eala sa match point number 2 sa score nga 6-2.
Madumdumang nakadaog si Eala sa iyang katapusang dula batuk kang Laura Siegemund (Germany) sa score nga 6-7(6), 6-3, 6-3 kansa mao ang iyang unang daug sa torneo ug nagpadayon siya sa iyang target nga makasulod sa Top 20 sa WTA rankings.
Samtang si Linette usab, naghimo og dako nga upset sa second round human gipildi si Iga Swiatek (world #3) sa score nga 1-6, 7-5, 6-3 kansa nagpakita nga peligroso siya nga kalaban.
Ang Eala, ang iyang kadaugan ni Eala nakapabalik kaniya sa Last 16 sa Miami Open, sama sa iyang performance sa tuig 2025 samtang si Linette, pakyas nga makapadayon sa iyang momentum human sa upset batuk kang Swiatek.
