BUTUAN CITY – Dako ang pagtoo ni Akbayan Partylist Representative Congressman Tom Villarin nga dili makapasar sa senado ang sugyot nga death penalty human nakalusot sa kamara.
Sa eksklusibong pakighinabi ning sibyahan, gibutyag ni Congressman Villarin nga daghang senador na ang nagpadayag ug pagsupak sa sugyot nga pabuhi sa silot kamatayon.
Apan kung makalusot matud pa kini sa senado, magpadangat matud pa sila ug sulat ngadto sa Korte Suprema aron question-non ang consitutionality sa maong balaodnon.
Posible usab nga masugdan ang pagsala sa senado sa sugyot nga pagbuhi sa silot kamatayon karung Hunyo.
Nasayrang si Villarin lakip sa 54 ka mga misupak sa death penalty bill sa kamara.
Lakip sa mga basehan niini ang sitwasyun matud pa sa kaniadtong panahon sa dihang napatuman kini sa nasud diin muabot sa 73 porsiento sa bitayonon ang nasutang inosente diay ug nakumbikto lang tungod sa kawalay kwarta nga magamit sa pagdepensa sa kaugalingon. Apil na niini ang pagrespetu sa kinabuhi sa tawo ug paghatag sa suspetsado ug higayon nga makahinuklod sa iyang salang nabuhat.
Samtang gii-angkon usab sa opiyal nga ang tanang kongresista, gi-warningan nang daan sa house leader adiser pa nahitabo ang botohay sa sugyot nga silot kamatayon hinungdang na-pressure nang daan ilabina kadtong supak sa maong balaodnon nga kuhaan ug chairmanship diha sa kongreso o kaha prebelihiyo isip representante.
Gi-akusahan usab niini nga gipadali ang pagsala sa maong balaodnon. Gisugdan matud pa kini niadtong Pebrero 1 ug sukad niadto, 8 lang ka sesyon ang nahimo ug gipa-aprubahan na kini sa kamara.
Sumala pa ni Villarin nga daghang mga sections sa maong balaodnon ang wala na na-question ug daghan usab ang wala na nakapangutana pa.
Gibarugan sa kongresista nga dili maki-angayon ang pagpatuman sa silot kamatayon aron masumpo ang pagkuyanap sa illegal nga drugas hinoon kinahanglang tarungon ang criminal justice system, putlon ang ulo sa sindikato o dakpon ang mga drug lord samtang ipa-ilawom sa rehabilitasyon ang mga gumagamit sa ginadiling drugas nga gikonsidera niining mga biktima. (Rolan Janea)
