BUTUAN CITY – Nag-viral sa social media ang pagpakasal sa usa ka Haponesa ngadto sa artificial intelligence kon AI man nga mugna sa ChatGPT nga ginganlan nila og ‘Klaus.’
Tungod niini, pangutana sa mga netizens ug ang ilang pagpanumpa sama ba sa kasal sa simbahan og huwis nga ‘Til death do us part’ o kaha ‘Til battery dead – do us part?’
Ang AI-entity nga si “Klaus” gikasal ngadto sa 32-anyos nga si “Kano” pinaagi sa seremonyas nga gi-organisa sa Japanese company nga nag-specialize sa 2D character weddings sama sa Anime characters ug uban pa.
Aron matuman ang maong kasal, si Kano nagsul-ob og augmented reality glasses si Kano nga maka-project og virtual facsimile sa iyang AI partner alang sa ilang sinukliay sa singsing ingon man ‘I Do.’
Apan bisan paman niini, wala gikonsiderang legal sa Japan ang kaminyuon ni Kano sa AI partner nga si Klaus.
