BUTUAN CITY – Gipasabot sa Department of Social Welfare and Development kon DSWD Field Office Caraga nga ang Assistance to Individuals in Crisis Situation o AICS dili lamang para ngadto sa mga kabus o indigent nga katawhan sa nasod, kundili alang usab niadtung mga apektado sa krisis.
Sumala ni Cathy Jessie Aranas, hepe sa protective services division atul sa 3rd edition sa Kapihan sa Bagong Pilipinas nga ang Assistance to Individuals in Crisis Situation o AICS usa matud pa ka social welfare services nga naghatag ug assistance ngadto sa mga individual o pamilya nga nakasinati ug extreme crisis.
Taliwala kini sa pagtuo sa uban nga ang maong hinabang gikan sa gobyerno kay para ra niadtung mga anaa sa tumang kakabus.
Kahibaloang gikan niadtung Enero ngadto sa Mayo ning tuiga, anaa na sa sobra sa sien-mil ang nahatagan ug tabang pinaagi sa AICS.
