BUTUAN CITY – Mitala karon og kasaysayan sa lalawigan sa Agusan del Norte ilabina sa lungsod sa Buenavista ang local musician human nga nakasulod sa audition round sa The Voice Poland.
Ang local singer nga si Jay Allen nga taga-Brgy. 2 sakop sa maong lungsod wala makatuo nga mupasar siya sa audition ilabina nga pangandoy lang kini sa usa ka ordinaryo og kabus nga probinsyano sama kaniya.
Aminado siyang ang ilang kapobrehon kondiin napulo silang maghuot nga matulog sa gamay nilang balay, ang nagdasig kaniyang tumanon ang iyang sukad pa sa bata nga pangandoy nga mamahimong song performer.
Nagpatuyok sa duha sa upat ka mga judges sa maong reality singing competition ang iyang rendisyon sa kantang Love Runs Out sa bandang One Republic. (Beth Ruiz)
