BUTUAN CITY – Gipasidunggan kaganina sa Police Regional Office kon PRO-13 si Genisis Lagumbay Libranza human midaog sa undercard bout niini sa Pacquiao vs Thurman Fight sa MGM Grand Arena sa Las Vegas, Nevada.
Mahinumdumang midaog si Libranza batuk sa Los Angeles-based nga si Carlos Maldonado pinaagi sa technical knockout sa ika-upat nga round.human gidomina ang unang mga rounds sa ilang away.
Human nahatag sa boksidor nga taga-Brgy. Kalibunan, Cabadbaran City sa lalawigan sa Agusan del Norte ang plaque of recognition, gihatagan usab siya og cash gift og tactical flashlight.
Mihatag usab siya og usa ka paresan sa boxing gloves nga duna’y iyang pirma isip handumanan ngadto sa PRO-13.
Tungod sa iyang kada-ugan, iyang natala ang iyang bag-ong record nga 19 ka daug, usa ka pildi og 11-ka knockouts.
Ka-uban niya ang iyang asawa og anak sa pagdawat sa maong pasidungog.
