BUTUAN CITY – Nagsang-at og reklamong cyberlibel si Agriculture Secretary Francisco Tiu-Laurel Jr. sa Makati City Prosecutor’s Office batuk nila Atty. Levi Baligod ug kanhe Ako Bicol Party-list Representative Zaldy Co.
Sumala sa kalihim, kini ang mahitungod sa matud pa sayop nga paglambigit kaniya sa isyu sa minaletang kwarta nga gihatag matud pa sa pipila ka indibidwal.
Ang maong lakang misunod sa mga pamahayag ni Co niadtong nakalabay nga tuig nga naglambigit sa Department of Agriculture sa mga alegasyon sa anomaliya sa importasyon sa bugas, sibuyas, asukal, ug isda.
Hugot nga gilimod ni Tiu-Laurel ang mga akusasyon ug gipamugos nga walay basehan ang mga niini.
Sigon ni Tiu-Laurel nga ang pagpasaka og kaso ang kabahin sa iyang pagdepensa sa reputasyon ug aron maseguro nga ang publiko dili masaag sa sayop nga impormasyon mahitungod sa sektor sa agrikultura.
Samtang nasayran sa datos sa Department of Justice nga mitaas og 18% ang ihap sa mga kasong cyberlibel gikan sa 2024 hangtud sa 2025, kadaghanan mahitungod sa mga opisyal sa gobyerno ug mga pamahayag sa digital platform.
Sumala usab sa Philippine Statistics Authority, mikunhod sa 12% ang presyo sa sibuyas gikan sa Enero hangtud sa Marso 2026, bunga sa mas hugot nga monitoring sa Department of Agriculture.
