BUTUAN CITY – Ning kabat sa kapin 39,000 ka mga mamumoo, beneficiaries, ingon man mga jobseekers sa tibook Caraga Region ang nakadawat sa vital economic assistance ingon man employment support human nga gipahigayon kagahapong adawa, Mayo 1 sa Department of Labor and Employment (DOLE) Caraga ang region wide rollout of services kalabot na sa 123rd Labor Day celebration sa Pilipinas.
Sayrang dungan nga gihimo sa DOLE Caraga ang Job Fair, Tulong Panghanapbuhay para sa ating Disadvantaged Workers (TUPAD) Payout, Livelihood Grants Release, Government Internship Program (GIP) salary release, ingon man ang Kadiwa ng Pangulo, kansa tumong nga mapalambo pa ang ekonomiya ilabi na alang niadtung mga anaa sa informal sectors.
Subay niini, ningkabat sa 271 ka mga aplikante gikan sa 822 ka mga ang na-hired on the spot nga ning resulta sa 33% nga placement rate.
Sayrang anaa usab sa 37,248 ka mga TUPAD beneficiaries ang nakadawat sa ilahang mga sweldo, nga kung sumahon, mokabat sa Php168.5 million alang sa 10-15 days nga temporary work employment sa nasangpit nga mga beneficiary.
655 ka mga grupo ug indibidwal usab ang nakadawat og livelihood grants ubos sa DOLE Integrated Livelihood Program (DILP), nga mikabat sa kapin sa Php15.1 milyon nga kantidad sa starter kits ug financial grants ang napanghatag.
Sa Kadiwa ng Pangulo fair, 10 ka mga mag-uuma, kooperatiba, ug natukod nga DILP livelihood beneficiaries ug asosasyon ang nagpasundayag sa ilahang mga lokal nga produkto ug mga produkto sa agrikultura nga nakamugna og kinatibuk-ang Php61,243 nga halin.
Natunol usab sa DOLE ang unang tunga sa buwan nga suweldo sa 356 ka GIP interns nga bag-o lang nagsugod sa ilang mga buluhaton sa nagkalain-laing buhatan sa gobyerno.
