BUTUAN CITY – Gitunga ngadto sa official ug private acts ang immunity from suit sa presidente sa Estados Unidos.
Kini ang gipasabot ni international law expert Atty. Josefe Sorrera-Ty, professor sa Manuel L. Quezon University sa Manila, human nagdesisyon ang US Supreme Court nga duna’y absolute immunity si kanhi US President Donald Trump.
Sa eksklusibong pakighinabi sa Bombo Radyo Butuan, gibutyag ni Atty. Ty nga detalyado kaayo ang patakaran sa Amerika kalabot sa ‘immunity from suit’ sa presidente kansa lahi kung ikumpara dinhi sa Pilipinas.
Gipasabot ni Atty. Ty nga dinhi sa Pilipinas, ang immunity from suit sa presidente dili na maghisgot pa kung unsa nga mga buhat o acts ang immune tungod kay laras naniini ang tanang klase sa kaso.
Apan didto sa Amerika, gawas sa pag-classify kung official o private acts ang immunity sa presidente, kinahanglan pa usab sutaon kung diha sa official act, unsa nga mga klasipikasyon siya immune sa kaso ug unsa nga klase sa immunity.
Gawas pa kini sa pag-classify kung absolute o kaha presumptive immunity ang makuha sa presidente.
Dugang pa ni Atty.Ty, sa kaso ni Trump, kini ang unang higayon nga nagdesisyon ang Korte Suprema sa Estados Unidos nga immune pa gihapon sa criminal charges ang kanhi presidente.
Gitu-is matud pa sa Supreme Court ang pila ka siglo na nga ruling human nga gipanalpan si Trump dili lang gikan sa civil suit kondili apil na sa criminal suit.
‘In the Trump case, the ruling marks the first time since the nation’s 18th century founding that the Supreme Court has declared that a former president, maybe shielded from criminal charges in any instance”.
ATTY JOSEFE SORRERA-TY
