BUTUAN CITY- Nakabulsa na og usa ka daog ang team Brooklyn Nets human niining gipildi ang kanhi eastern conference powerhouse team nga Indiana Pacers.
Gidomina sa Nets ang away sugod sa sinugdanan hangtud sa kataposan taliwa sa pagpamugos sa Pacers nga gukdon ang winning team.
Bisan paman wala ra nagkalayo ang score sa duha, gikoptan sa Nets ang single-digit lead sa matag tapos sa quarter hangtud hingpit nga giposte ang 8-point win sa pagtapos sa match, sa skor nga 98-90.
Mingsentro ang opensa sa Nets sa 23 points ni Michael Porter Jr. samtang 15 points ug 13 ka rebounds usab ang gidugang sa sentrong si Day’Ron Sharpe.
Mipakita pag-usab og all-around performance ang forward nga si Julius Randle kinsa minhimo og 20 points, 5 ka rebounds, 6 ka assists, ug duka ka steal.
Sa kampo sa Pacers, nagbulsa og 23 points ug upat ka assists ang point guard nga si Andrew Nembhard, lakip ang tig-usa ka steal ug block.
Ang pagkapildi sa Pacers sa maong match mao ang ika-lima nga loss niini karun nga season, bit-bit ang duha ka daog.
Lima ka pagkapildi usab ang nairehistro sa winning team nga Brooklyn, sulod sa unom ka match.
