BUTUAN CITY – Andam sa rematch si Filipino rising boxing star Carl Jammes Martin human midaog pinaagi sa upset batok kang kanhi world title challenger nga si Mexican boxer David Picasso.
Nakuha ni Martin ang split decision sa ilang 10-round bout human natala ang score nga 94-95, 95-94 ug 96-93 pabor kaniya. Kini na ang ika-29 nga kada-ugan ni Martin ug nagpabiling wala’y pildi uban sa 21 ka knockout.
Nakuha niya sa maong away ang WBC silver featherweight title nga gipahigayon sa Kingdom Arena sa Riyadh, Saudi Arabia.
Iyang gipasalamatan ang Ginoo sa iyang kada-ugan apil na ang milangkob sa iyang team, iyang mga fans ilabina ang iyang tribung Ifugao dayong saad nga iselebrar una niya ang iyang kada-ugan.
Dugang sa Pinoy pride nga emosyunal matud pang miduol kaniya si Picasso ug mihunghong og rematch nga iya usab nga gisanong aron ipakita nga wala siya’y gikahadlukan.
