BUTUAN CITY – Gila-uman sa Bangko Sentral ng Pilipinas kon BSP nga musaka tali sa 7.1 hangtod 8.1 porsyento ang inflation rate kon pagsaka sa presyo sa mga palaliton alang sa buwan sa Oktubre ning tuiga tungod sa pagsaka sa presyo sa petrolyo sa nasud, bayranan sa kuryente ug pletihan.
Apan posible usab nga muhinay ang inflation tungod sa pagkunhod sa presyo sa mga nag-unang produkto sa agrikultura sama sa mga utanon, karne, bugas ug isda tungod sa igo nga suplay.
Sa pagkakaron, padayon usab nga tutukan sa BSP ang mga datos, lakip na ang mga panghitabo sa Middle East ug ang mga posibleng epekto niini sa ekonomiya sa nasud tungod kay dinhi matud pa mag-agad sa mga umaabot nga datos, ilabina sa inflation ug sa gilauman nga pagtubo sa ekonomiya sa nasud.
Padayon usab nilang susihon ang epekto sa mga bag-ong panghitabo sa Middle East sa inflation ug sa ekonomiya sa Pilipinas.
Madumdumang niadtong milabay nga Septembre, mi-abot sa 7.2 porsyento ang inflation rate sa nasud.
Kung mosaka kini ngadto sa 8.1 porsyento karong Oktubre, mao na kini ang pinakataas nga inflation rate sulod sa tulo ka tuig, sukad nga mi-abot sa 8.6 porsyento ang inflation niadtong Pebrero 2023.
Gikatakdang ipagawas sa Philippine Statistics Authority kon PSA ang ilang opisyal nga datos alang sa inflation sa buwan sa Oktubre karong Nobyembre 5.
