BUTUAN CITY- Nanawagan si Pope Leo XIV nga tapuson na ang kapintasan sa Yemen, duha ka simana human kini mipa-ilawom sa operasyon sa baga.
Sumala sa Santo Papa, lakip sa primary concern niini ang makataong krisis sa syudad sa Taiz sa habagatan-kasadpang bahin sa Yemen, kung asa naglisod ang mga katawhan tungod sa kakuwang sa pagkaon, limpyo nga tubig ug serbisyong medikal.
Ming-apela usab ang Santo Papa nga ihunong na ang mga panagbangi aron maka panginabuhi na nga malinawon ang mga katawhan sa Yemen ug sa uban pang parte sa rehiyon.
Samtang, gi-ampo usab ni Pope Leo XIV ang mga natay ug na-angol sa pag-atake sa mga terorista sa Hamound Church sa Jordan niadtong Biyernes.
Kahinumdumang mipa-ilawom sa operasyon si Pope Leo niadtong Oktubre 13, kung asa gitanggal ang ubos nga bahin sa tuo nga baga niini human masusui nga aduna kini adenocarcinoma, usa ka klase sa kanser sa baga.
Sigon sa mga doktor sa Santo Papa, dili na niini kinahanglan pa nga mopa-ilawom sa dugang nga therapy tungod wala mingkuyanap sa ubang parte sa lawas niini ang tumor.
