BUTUAN CITY – Gihagit ni Defense Secretary Gilberto “Gibo” Teodoro Jr. ang China nga ibulgar ang pngalan sa mga politikong Pilipino nga gika-ingong adunay kalambigitan o transaksyon sa Beijing, aron mahibal-an sa publiko kung tinuod ba ang mga alegasyon.
Tubag kini ni Teodoro sa mga social media posts sa Chinese Embassy nga nagtudlo sa pipila ka mga politikong Pilipinong posibleng adunay kalambigitan sa Beijing kansa makonsidera matud pang pagpanghilabot sa internal affairs sa Pilipinas.
Sigon sa kalihim, kung adunay ebidensiya ang China bahin sa maong mga koneksyon, mas maayo nga ilantad kini aron mapamatud-an kung tinuod ba o kabahin lamang sa pagsulay nga pahagba-on ang Pilipinas.
Wala usab nagustuhi sa kalihim ang pagdayeg ni Senador Robin Padilla kang Chinese Ambassador Jing Quan taliwa sa mga panawagang ideklarang persona non-grata ang ambassador.
Gikwestyon usab ni Teodoro ang taras ni Jing ug ang hagit niining isira ang Chinese Embassy sa Manila kansa mahimong maka-apekto sa diplomatic relations sa duha ka nasud.
