BUTUAN CITY – Nanawagan si Senate Committee on Health Vice Chairman Senator Christopher “Bong” Go alang sa mas hugot nga pagpatuman sa balaod nga nagdili sa gitawag nga “hospital detention,” o ang pagpugong sa mga pasyente nga mogawas sa ospital tungod kay wala pa nila hingpit nga mabayran ang ilang hospital bill.
Sigon sa senador, dili angay mahimong hinungdan ang kakulang sa kwarta aron dugangan pa ang kalisod sa mga masakiton sulod sa ospital, ilabina kadtong mga kabus ug lisod ang panginabuhi.
Giklro ni Go nga dili sayon ang pag-atubang sa sakit, ilabina alang sa mga pamilyang kabus nga angayang hatagan og patas, hapsay ug tawhanong pagtagad, samtang kinahanglan usab nga dili maapektuhan pag-ayo ang adlaw-adlaw nga operasyon sa mga health facility.
Bisan og adunay na karo’y balaod kabahin niini, suportado ni Go ang pagpasa sa Senate Bill No. 1511, nga nagtumong sa pagpalig-on sa mga probisyon batok sa pagpugong sa mga pasyente. Lakip niini ang mas bug-at ug mas hugot nga silot batok sa mga ospital ug klinika nga molapas sa balaod.
Gipahinumdoman usab sa senador nga ang pondo sa gobyerno, kwarta sa katawhan, busa kinahanglan kining ibalik ngadto kanila pinaagi sa maayo, paspas ug de-kalidad nga serbisyo medikal, aron walay pasyente nga mapakyas o mabiyaan tungod lang sa kakulang sa pinansyal nga kapasidad.
