-- ADVERTISEMENT --
BUTUAN CITY- Gidakop ug gipamultahan ang usa ka 26-anyos nga lalaki human kini misaka sa atop sa Ysbyty Glan Clwyd Hospital niadtong miaging simana samtang nagsul-ob og costume sa Grim Reaper o personipikasyon ni kamatayan.
Giila ang suspek nga si Leon Gillespie, kinsa nagpabiling nagtindog sulod sa hapit 50 minutos ibabaw sa entrada sa ospital samtang nagtan-aw sa mga pasyente ug kawani sa hospital samtang nagkupot og sanggalab. Dali usab nga mitubag ang kapolisan ug mga bombero aron kini dakpon.
Sa korte, gi-angkon ni Gillespie nga iyang gidisturbo ang operasyon sa ospital, ingon man sa pagkuha og pagkaon sa iring ug pipila ka sinina sa wala pa siya miadto ug nagpabilin sa ospital.
