-- ADVERTISEMENT --
BUTUAN CITY – Nanghinaut si Senate Minority Leader Alan Peter Cayetano nga unta dili ma-apektuhan sa pulitika ang Department of Health (DOH) human sa pagtudlo kang Dr. Jose “Brix” Pujalte Jr. isip bag-ong kalihim sa ahensya.
Mala-umon si Cayetano nga magsugod na ang dagkong reporma sa bag-ong liderato sa DOH aron mapalambo ang serbisyong panglawas alang sa mga Pilipino.
Gibutyag niya nga taas ang iyang paglaum nga ma-asdang ni Pujalte ang mga kabag-uhan ug mahatag ang lig-on nga pundasyon alang sa mas maayo nga healthcare system.
Gipamugos usab sa senador nga importante nga malayo ang DOH sa pulitika aron kini makahatag og mas epektibo ug hapsay nga serbisyo sa publiko.
