BUTUAN CITY- Mas daghang European countries pa ang mingperma sa Treaty of Amity and Cooperation in Southeast Asia, dungan sa pag-silibrar sa ika-50 nga anibersaryo sa kasabotan.
Pormal nang mingperma ang Sweden, Poland, Romania, ug Lithuania sa maog kasabutan kung asa gipalig-on sa upat ka nasud ang ilang suporta sa kalinaw, kooperasyon, ug rules-based international order. Sa talumpati ni Swedish Defense Minister Pål Jonson, gipadyag niini ang iyang suporta sa Sweden sa liderato sa ASEAN ug mingsaad nga mahimong long term partner sa pamatigayon, digital infrastructure, green transition, ug uban pang natad sa kooperasyon.
Gihataga ubas og ginbugaton ni Department of Foreign Affairs (DFA) Secretary Ma. Theresa Lazaro nga bisan paman mo-grabe ang kompetisyon ug kagubot tali sa mga nasud, magpabiling importante ang dayalogo ug posible gihapon ang kooperasyon, pinaagi sa maong kooperasyon, ug sa suporta sa ubang mga nasud sama sa mga European countries kansa bag-ong nagpakita sa ilang suporta.
Sa pikas bahin, gihatagan og ginbug-aton ni Polish Minister Wojciech Balczun nga importanteng respitohon ang soberanya, territorial integrity, ug malinawong pagresolba sa mga kagubot aron mamintinar ang pangkalibotanong kaayusan, base na usab sa kasinati-an sa European countries.
Sumala usab ni Romanian Minister Mihai Dimian, ang perma sa TAC usa ka future investment, hilabi na sa hisgutanang research, edukasyon, ug exchange knowledge.
Gi-insistar usab ni Lithuanian Foreign Minister Kęstutis Budrys nga adunay katungod ang matag nasud nga mopili sa kaugalingong dalan sa pag-uswag nga walay pagpanghadlok o pagpangilabot gikan sa laeng estado.
Gihatagan og ginbug-aton usab ni EU High Representative and Vice President Kaja Kallas ang importanteng papel sa kababayen-an ug edukasyon sa pagsupak sa siklo sa panagbangi aron malikayan ang mga kagubot sa umalabot, ug ang maong kasabotan matud pa dakong tabang aron ma-abot kini.
Nagpadayag usab si Singaporean Foreign Minister Vivian Balakrishnan sa iyang pagsuporta sa pagpatuman sa United Nations Convention on the Law of the Sea (UNCLOS) sa mga kadagatan. Matud pa niini, ang UNCLOS ang nagsilbing pundasyon sa kahapsay sa kadagatan, uga ng pag-uswag sa mga nasud nagsalig pag-ayo sa bukas ug luwas nga mga ruta sa dagat, usa ka butang nga gisuportahan sa Treaty of Amity and Cooperation.
Sa kasamtangan adunay 62 ka parties na ang minperma sa sulat sa Treaty of Amity and Cooperation.
